MerkaLan
formatu mistora itzuliko da, eta, beraz, aurrez aurreko jardunaldi bat
(urriaren 2an FICOBAn - Irunen) eta azoka birtualeko hiru jardunaldi
(urriaren 1etik 3ra plataformaren bidez) izango dira. Bi modalitate
horietan, enplegu-eskaintza ugarietara sartzeko aukera egongo da enpresen
standetan. Hala ere, interesatzen zaiguna da modalitate presentzialean
herritarrek stand horietara hurbildu eta enpresekin aurrez aurre jardun ahal
izateaz gain, interes handiko hainbat jarduera, hitzaldi eta tailerrak ere
programatuta egongo direla. Jarraian horien laburpena:
Azoka bisitatzen
duen pertsonak jarduerak hiru TXOKOTAN antolatuta daudela ikusiko du (ERRONKA,
IPARRORRATZA ETA IKUSPEGIA), bakoitza bere programazio partikularrarekin (Kontsultatuhemen programazio osoa). Horietako batzuk nabarmentzearren, honako
hauek aipatuko ditugu, besteak beste: escape room dinamikak (horietan
hainbat lan-egoera planteatzen dira), lana bilatzeko adimen artifizialaren
erabilerari buruzko ponentizak, edo hitzik gabeko hizkuntzak
lan-elkarrizketan duen eragina. Halaber, orientatzaile profesionalen
aholkularitza izango dute lan-elkarrizketak prestatzeko, eta CVrako
argazki profesional bat ere egin ahal izango dute, doan.
Gainera, doako autobusak
egongo direla FICOBAra joateko. Horretarako, merkalan.eus
webgunean sartu eta izena emateko formularioa bete besterik ez dute egin
beharko.
Era berean,
jakinarazi behar zaie FICOBAra joaterik ez badute, edo bertaratzearen
osagarri gisa, online ere parte hartzeko aukera dutela, 1etik 3ra egingo den
azoka birtualarenplataforman erregistratuz. Plataforma horretan, beren CVa igo ahal
izango dute, eta hainbat sektoretako ehunka lan-eskaintza eskuratu ahal izango
dituzte.