2022(e)ko otsailaren 8(a), asteartea

Diru-laguntza BERROREKA ETA EKITATERAKO LURRALDE-PROIEKTU BERRIAK. EKINTZAILETZA ETA MIKROEMPRESAK

 Lanbidek laguntza bat eman du mikroenpresetan eta langile autonomoetan enplegua mantentzeko, inbertsio «ekologiko eta digitalak» eginez.

 ONURADUNAK

Diru-laguntza hauen onuradun izan daitezke mikroenpresak (ondasun-erkidegoak, sozietate zibilak, kooperatibak eta lan-sozietateak) eta norberaren konturako langileak edo autonomoak (banakako enpresaburuak), betiere honako baldintza hauek betetzen badituzte:

– Beren jarduera EAEn garatzea.
– Plantillan 10 langile baino gutxiago izatea.
– Negozio-bolumena gehienez ere 2 milioi eurokoa denean.

 

INBERTSIO HAUTAGARRIAK: 

Egindako inbertsioek 600 euroko gutxieneko zenbatekoa izan beharko dute, BEZik gabe, diru-laguntzen bi ildoetako batean (gutxieneko zenbateko horretara iristeko, lerro bereko inbertsio-kontzeptu batzuen kostua batu ahal izango da):

A) Trantsizio digitalerako inbertsioak

  • Informatika-tresneria, informatika-aplikazioak eta softwarea.
  • Hari gabeko konektibitatea hedatzeko edo hobetzeko inbertsioak.
  • Enpresaren digitalizazioan aurrera egiteko soluzio teknologikoak ezartzea: hodeian biltegiratzea, kobrantza eta ordainketa segurua, negozioaren kudeaketa integrala (bezeroak, hornitzaileak, etab.), Big Data prozesuetan oinarritutako soluzio aurreratuak, bezeroaren esperientzia-soluzio teknologikoak (errealitate areagotua, errealitate birtuala, errealitate murgiltzailea, etab.), fakturazio elektronikoko soluzioak (TicketBAI-TBAI sistemarako fakturazio-softwarea barne), bezeroaren irakurketa- eta salmenta-sistemen salmenta, etab.
  • Merkaturatze-sistemak abian jartzeko edo hobetzeko sortzea, garatzea eta ezartzea (web-orriaren garapena, online salmenta (ecommerce, scommerce, mcommerce eta antzekoak).

B) Trantsizio ekologikorako inbertsioak:

  • Energia aurrezteko edo eraginkortasunez erabiltzeko neurriak ezartzeko obrak eta instalazioak.
  • Energia ez-kutsagarri eta berriztagarrien instalazioak.
  • Jarduerarako ekipamendu energetikoki eraginkorra, energia-etiketa eta guzti (Ahhh, Ahh eta Ah, edo baliokideak).
  • Klimatizazio-ekipoak, betiere etiketa energetikoa badute (Ahhh, Ahh eta Ah, edo baliokideak).
  • Ingurumen-ziurtagiriak (EMAS, ISO14001, ISO 14006, UNE 150301, etiketa berdea, etab.).
  • Zuzenean eta esklusiboki enpresa- edo lanbide-jarduerari lotutako garraio-elementu elektriko edo hibrido entxufagarriak; elektrizitatea kargatzeko puntuak.
  • Ekonomia zirkularreko irtenbideak enpresaren iraunkortasunean aurrera egiteko.
  • Jarduera ekonomikoarekin lotutako biodibertsitatea lehengoratzeko proiektuak ezartzea.

DIRU-LAGUNTZEN ZENBATEKOA:

5.000€/enpresa edo autonomoa

Banakako enpresaburu edo enpresa bakoitza diru-laguntza baten onuradun izan ahalko da, behin bakarrik, diruz lagun daitezkeen bi ildoetako baten babesean.

Eskabideak aurkezteko hurrenkeraren arabera aztertuko dira, eta diru-laguntzak hurrenkera berean emango zaizkie deialdi honetan aurreikusitako betekizunak eta baldintzak betetzen dituzten guztiei, harik eta finantzaketarako funtsak agortu arte.

BETEKIZUNAK:

Enpresa onuradunek enpleguari 6 hilabetez eustea bermatu behar dute, besteren konturako zein norberaren konturako langileentzat.

ESKAERAREN EPEA

2022ko otsailaren 14tik 2023ko maiatzaren 31ra arte

ESKABIDEA ETA DOKUMENTAZIOA

Eskabidea eta aurkeztu beharreko dokumentazioa kontsulta ditzakezu esteka honetan.

INFORMAZIO GEHIAGO:

Informazio zehatza aurkituko duzu hemen

Meatzaldeko Merkataritza Bulego Teknikora deituz: 663885257 (Edorta Pereiro Torrontegui).