Udaleko Tokiko Merkataritza Sailak eta Baturik-ek epea zabaldu dute Trapagarango establezimenduek izena eman dezaten herriko erakusleihoen 8. lehiaketarako.
Edizio honetan berrikuntza nabariak egongo dira. Alde batetik, sariak sendotu egin dira parte-hartzaileek egiten duten ahalegina behar bezala eskertzeko. Bestalde, lehiaketari lotutako ikastaroa pertsonalizatua eta erakusleihoaren argiztapenari buruzkoa izango da. Ikastaroa Mario Echevarria erakusleiho-apaintzaile ospetsuak emango dio establezimendu bakoitzari. Horrez gain, erakusleihoaren argiztapena berritu nahi duten establezimenduei aholkuak emango zaizkie eta diru-laguntzak kudeatuko MEC delakoaren bidez (Merkataritza establezimenduak modernizatzeko programa).
Amaitzeko,
azpimarratu behar dugu 8. edizio honetarako hautatu den gaia “Mitologia eta
legendak” dela.