“Lagunkoiak gara” kanpaina jarri du abian Euskadi Lagunkoiak.
Euskadi Lagunkoiako saltoki lagunkoien kanpainan parte hartzera gonbidatzen zaitugu. Programak 10 urte baino gehiago daramatza euskal lurraldean adinekoekiko adiskidetasuna eta tratu ona sustatzen.
Helburua da adineko pertsonei arreta pertsonalizatua eta kalitatezkoa ematea merkataritza-establezimenduetan.
Historia duen programa
10 urte baino gehiago euskal lurraldean lagunkoitasuna bultzatzen eta
saltokietan tratu ona eta arreta pertsonalizatua eta kalitatezkoa
sustatzen. Denbora horretan, ehunka denda atxiki zaizkio
lagunkoitasun-sareari, eta sareak eskainitako tailerretan emandako
aholkuak praktikan jarri dituzte.
Esperientziak partekatuz eta praktikan jarriz
Establezimendu Lagunkoia programa partekatzeko gune bat da, non kostu
txikiko aholkuak ematen diren, edo baita doakoak ere, saltokiek beren
inguruko adinekoentzako arreta hobetzen aurrera egin dezaten.
Ikastaro iraunkorra eskuragarri “Prestakuntza” -n
Udalerriei eskaintzen zaien aurrez aurreko tailerraz gain, “Prestakuntza” plataforma ere badugu (plataforman sartzea), non nahi duten saltokiek lagunkoiak izateko eta online egiteko jarraibideak eta ezagutza lor ditzaketen.
Erakutsi zure adiskidetasuna
Jarraian aurkezten dizuegun kanpainak 3 helburu argi ditu: lehenengoa,
merkataritza ikusaraztea, adinekoen eta, oro har, herritarren ongizatea
hobetzen duten komunitate-eragile gisa; bigarrena, Establezimendu
Lagunkoia programari atxikitako saltokien rol lagunkoia indartzea; eta,
azkenik, herritarrak sentsibilizatzea saltokiek betetzen duten funtzio
sozialaz.
Deskargatu erreminta-kita
Hedapen-tresnen kit bat egin da, atxikitako establezimenduek erabil ditzazuen. Hemen duzue eskuragarri.
Tresnen KITa deskargatu eta euskarriak zuen profil eta espazio fisikoetan zabaltzen joan zaitezkete.
Era berean, #LagunkoiakGara #LagunkoiakGara traola erabiltzera animatzen zaituztegu egiten eta etiketatzen gaituzuen argitalpen guztietan.
Euskarriak erabiltzen ari zaretenean, eskertuko genizueke zuen establezimenduetako argazkiak eta bideoak inprimatutako kartelekin honako helbide honetara bidaltzea: info@euskadilagunkoia.net
Ekainaren 15etik 25era, bidali dizkiguzuen argazkiak eta bideoak argitaratzen joango gara.
Ez galdu denda lagunkoien kanpainarekin bat egiteko aukera hau!
