Udalak berriro bikoiztu egingo du bere
ekarpena 25.395 euroraino eta, horrela, azken edizioan bezela, bezeroek %50eko
deskontua lortzen jarraituko dute
Irailaren 30etik hasi eta urriaren 7ra arte
zabalik egongo da atxikitzeko epea parte hartu nahi duten
establezimenduentzat.
Trapagarango Udalak eta
Merkatari, Ostalari eta Zerbitzu Elkarteak (Baturik), Caja Rural de
Navarrarekin lankidetzan, datorren urriaren 27an abian jarriko dute tokiko bonoaren
beste edizio berezi bat “TRAPAGARAN ZAINDU” izenekoa. Edizio bereziko bonuak
50.000 euro jarriko ditu zirkulazioan herriko merkataritza, ostalaritza eta
zerbitzuen sektorean erosketak sustatzeko, sektore hori erabat kaltetu batitu
Covid-19ak sortutako osasun alertaren osteko krisi ekonomikoak eta, aldi
berean, herritarrentzat eta bisitarientzat onuragarria izateko, erosketetan
%50eko aurrezpena izango dutelako, azken edizioan bezala.
Aurten abian jarriko diren
tokiko bonuaren bi edizio berezietako bigarrena izango da hau, ekaina eta
uztailean beste bat egon baitzen. Horrela bada, 2020 urte honetan, alarma
egoerak sortutako egoera dela eta bikoiztu egingo da udalak xede honetara bideratuko
duen diru-kopurua, 25.000tik 50.000 eurora igoz, garai latz honetan auspoa
emateko bai gure herriko ekonomiaren oinarri diren merkataritza, zerbitzu eta
ostalaritza establemienduei, eta bai
bezero eta bisitariei.
Establezimenduak Irailaren 30etik hasi eta
urriaren 7ra arte atxiki daitezke kanpainara merkataritza, ostalaritza edo
zerbitzu sektoreko establezimenduak, 10 enplegatu edo gutxiago badituzte eta
saltoki bat baldin badute Trapagaranen, berdin diolarik Baturikeko kide izan
ala ez.
Bonuak Kanpaina honetan 1.693 bonu jaulkiko dira, bakoitza 30 euroko balio
nominalarekin, baina 15 eurotan erosiko dira, hortaz eramaileak 30 euroko
balioa izango du kanpainara atxikitako Trapagarango establezimenduetan
kontsumitzeko. Bonu hau zatikagarria izango da eta bi zatikitan banatuta egongo
da, bakoitza 15 eurokoa. NAN bat erakutsita, gehienez, bi bonu eskura daitezke.
Edizio berezi honetako berrikuntzetako bat da zatiki bakoitza denda banatan
erabili beharko dela.
Gainera, erosleak metatzea ala
ez erabaki dezake zenbateko handiagoko erosketetarako erabiltzeko, baina
oraingoan 30 euroko mugarekin. Merkataritza-zatiki bakoitza erosketa bakar
batean baino ezin izango da erabili.
Erosketa bakoitzean, gehienez bi zatiki oso erabil daitezke (30 euro).
Berrikuntza gisa, berariaz
zabaldu den webgune batean erosi ditzakete bonuak kontsumitzaileek, 2020ko
urriaren 14tik 18ra arte edo izakinak agortu arte. Web horretara udalaren eta
Baturiken web orri eta Facebooken bidez ere iritsi daiteke.
Bonua erosi ondoren, kontsumitzaileak
erosketaren egiaztagiria jasoko du posta elektronikoaren bidez. Egun batzuk
geroago, eta beti ere, atxikitako saltokietan erositako bonuak erabiltzeko epea
hasi baino lehen, bonua ere posta elektronikoz jasoko du.
Erosten dituztenek 2020ko
urriaren 27tik azaroaren 22ra (biak barne)
erabili ahal izango dituzte kanpainara atxikita dauden
establezimenduetan, baldin eta zabalik badaude. Atxikitako establezimenduen
zerrenda kanpainako webgunean eta udalaren zein Baturiken web orri eta
Facebook-etan argitaratuko da.
Atxikitzera eta parte hartzera
animatzen ditugu establezimenduak. Azken edizio berezian 72 izan ziren establezimenduak.