Meatzaldeko
merkataritzaren jaiak eraldaketa garrantzitsu bat ezagutuko du, sektoreko
jaialdi solidario bihurtuko baita, zuzeneko emanaldiekin eta sari banaketekin.
Meatzaljaia, Meatzaldeko merkataritzaren
jai handia, Trapagaranen ospatuko da, abenduaren 2an, igandean, familiarekin
gozatzeko jarduera-programa zabal batekin. Ekitaldi honen bosgarren edizioa da,
eta bere antolakuntzan sartuta dauden eskualdeko udalerri guztietatik igaro da:
Trapagaran, Ortuella, Abanto eta Muskiz. Horregatik, ziklo garrantzitsu bat
bete ondoren, aurten, aldaketa nabariak sartu dira jaiaren erakargarritasunari
eusteko eta herriei bizia ematen dion tokiko merkataritzaren irudia indartzeko.
“Edizio honetan zerbait zeharo
desberdina antolatu da. Aurtengo Meatzaljaian, saltoki eta enpresen jaian, zuzeneko emanaldiak egongo dira eta izaera
solidario edukiko du, kasu honetan, bildutako diru guztia “La Cuadri del Hospi”
elkartera bideratuko delako –azaldu du Iñaki Sasiainek, Baturikeko
presidenteak−. Izan ere, Trapagarango Merkatari, Ostalari eta Enpresen “Baturik”
Elkartea da jaiaren antolatzailea beste elkarte hauekin batera:
Abanto-Zierbenako Merkatari eta Ostalarien Elkartea, Muskizeko “Comercios
Unidos”, Ortuellako “Gurea” eta Meatzaldeko Merkataritzako Bulego Teknikoa.
Giroa berotzen hasteko, 16:30etik
aurrera La Escontrilla herri-ikastetxea txikientzako parke bihurtuko da, non
umeak ondo pasatzeko tailerrak eta
jolasak egongo diren. Horrez
gain, txokolate beroa hartzeko aukera ere izango da, 1 euroko dohaintza eginda.
Jaialdia udal kiroldegian izango
da, 18.30etatik aurrera. Musikaren
atalean Abeslariak eta Patxi Galarragak (Trapagako abeslariak taldeko zenbait
kide), Aiamak eta Kiruak arituko dira eta Biofussion dantza-ikastegiak emanaldi bat
eskainiko du.
Eskualdeko merkatarien lau
elkarteek hitzordu hau baliatuko dute Meatzalde Saria emateko lehenengo aldiz.
Sari horren bidez urtero aintzatetsi nahi dute eskualdeko erakunde, elkarte edo
norbanako batek kultura, historia, enpresa, ekonomia edo euskara alorrean egindako
lana.
Jairako sarrerak 3,5 euroko
prezioa izango du eta oso osorik bideratuko da “La Cuadri del Hospi” elkartea
ilusio handiz taxutzen ari den familien zerbitzurako proiektu bat abian jartzera.
Proiektu horren xedea da gune eroso, atsegin eta abegikorra sortzea,
Gurutzetako Unibertsitate Ospitaletik gertu kokaturiko lokal batean, minbizia
duten ume eta nerabeek mediku-kontsultetarako eta dagozkien tratamenduetarako itxaron-aldi
luzeetan behar dituzten baldintza bereziei erantzuteko.
Jaialdian zehar zenbait sari
zozketatuko dira bertaratuen artean, bultzagarria izan daitekeelarik eskualdeko
jendea Meatzaljaira joan dadin. Jairako sarrerak honako guneetan daude salgai:
• ABANTO-ZIERBENAN: Kopitexen eta
El Minero okindegi-gozotegian.
• MUSKIZEN: Olga Díaz
ileapaindegian, Ideas loredendan eta Azucena estankoan.
• ORTUELLAN: Javi harategian,
Kurrusku-Kai Alde okindegi-gozotegian eta Ziripot Gozokiak-en.
• TRAPAGARANEN: Olga Liburudendan,
Mari Ángeles modak-en eta La Pinta tabernan.
Jaira joan ezin diren baina La
Cuadri del Hospi-ren proiektuari dohaintza bat eginez lagundu nahi dieten pertsonentzat,
banku-kontu bat zabaldu da Laboral Kutxan, zenbaki honekin: ES95 – 3035 0180 23 1800034460.
Azaro osoan zehar Meatzaljaia
2018 kanpainara atxikitako saltokietan txartelak banatzen ari dira bezeroen
artean, 100 euroko 8 erosketa-txekeren zozketan sartzeko. Aipatu zozketa azaroaren 29an egingo da eta
Meatzaljaiaren Facebook orrian ezagutaraziko da emaitza. Txekeak jaian bertan
emango dira.
Meatzaldeko
merkataritzaren jaia ezinezkoa izango litzateke eskualdeko merkatari eta
profesionalen 4 elkarteen inplikaziorik gabe eta Trapagaran, Ortuella,
Abanto-Zierbena eta Muskizko Udalen, Meatzaldeko Behargintzaren, Deiaren,
entrapagaran.com-en, Onmotiva Comunicación
Publicidad-en, Gallarreta tailerren eta Rossas Loradendaren babesik gabe, eta
ekitaldia burutu ahal izateko aldez edo
moldez lan egiten duten erakunde guztiak
gabe.